နာမည်ကျော် တရုတ်-မြန်မာ စစ်ပွဲများအကြောင်း

 ကုန်းဘောင်ခေတ်ဆင်ဖြူရှင်လက်ထက်တွင် မန်ချူးတရုတ်တို့သည် မြန်မာနိုင်ငံကို ကျူးကျော်စစ် ၄ ကြိမ် ပြုခဲ့ကြပါတယ်။ ပြသနာရဲ့ အစကတော့ ၁၇၆၄ မှာ တရုတ်ကုန်သည်လော်လီ ဆိုသူဟာ တပိန်မြစ်ကို ဖြတ်၍ တံတားဆောက်ရန် ဗန်းမော်မြို့ဝန်ထံ ခွင့်တောင်းပါတယ်။ မြို့ဝန်က ဘုရင့်အမိန့်တော်အရသာ တံတားကိုဆောက်လုပ်နိုင်မည်ဖြစ်ကြောင်းပြောရာ လောလီက မချေမငံပြန်လည်ဆက်ဆံခဲ့သည့်အပြင် သံသယဖြစ်ဖွယ်အခြေအနေ တချို့ကိုပါ တွေ့ရှိခဲ့ရသဖြင့် ဖမ်းဆီးပြီး နေပြည်တော်ကို ပို့လိုက်ပါတယ်။ နေပြည်တော်က စစ်ဆေးမေးမြန်းပြီး ဗန်းမော်ကို ပြန်ပို့ခဲ့ပေမယ့် မိမိ၏ကုန်များ ပျောက်ဆုံးကြောင်း မြန်မာစစ်ကဲတို့ကိုသာ မက ယူနန်ဘုရင်ခံကိုပင် တိုင်ကြားခဲ့ပါတယ်။ ထိုအတွင်း ကျိုင်းတုံတွင် ဖြစ်ပွားသော ရန်ပွဲတစ်ခုတွင် တရုတ်တစ်ဦးလည်း သေဆုံးခဲ့ပါတယ်။ ယင်းကိစ္စကို မိုင်းဆည် အကြီးအကဲထံ တိုင်ကြားခဲ့ရာ မန်ချူးခေါင်းဆောင်တို့ မကျေနပ်ကြ။

ပထမစစ်
ထိုမကျေနပ်မှုကို အကြောင်းပြကာ၁၇၆၅ ခုနှစ်တွင် ပထမစစ်အဖြစ် ကျိုင်းတုံသို့ ကျူးကျော်ဝင်ရောက်လာပါတယ်။ ခေါင်းဆောင်တွေကတော့ ဗိုလ်ချုပ်ရည်တာလော၊ ဗိုလ်မှူးဟိုချန်ချောင် နှင့် မင်ဟောင် တို့ဖြစ်ပါတယ်။ အင်အားကတော့ ခြေလျှင် ၅၀၀၀၀ ၊ မြင်းသည် ၁၀၀၀၀ တို့ဖြစ်ပါတယ်။ မြန်မာဘက်မှ ကျိုင်းတုံစစ်ကဲ ရွှေတောင်တက်က ခုခံတိုက်ခိုက်ခဲ့ပါတယ်။ ဒီဇင်ဘာ ၂၇ မှာ နေပြည်တော်မှ လက်ဝဲ၀င်းမှူးနေမျိုးစည်သူဦးစီးတဲ့တပ်များ ကျိုင်းတုံကိုချီတက်တိုက်ခိုက်ရာ မန်ချူး ဗိုလ်ချုပ်ရည်တာလောရဲ ကျဆုံးပြီးနောက် ဆုတ်ခွာသွားကြပါတယ်။ ယူနန်လုရင်ခံ လျူသည် စစ်ပွဲ၏ ရှုံးနိမ့်မှုကြောင့် မိမိကိုယ်ကို အဆုံးစီရင်ခဲ့ရပါတယ်။

ဒုတိယစစ်
၁၇၆၆ မှာ ပထမအကြီရှုံးသွားခဲ့တဲ့ မန်ချူးတို့ဟာ ဒုတိယအကြိမ်ကျူးကျော်ပြန်ပါတယ်။ ဒီတစ်ခါတော့ နာမည်ကျော် စစ်သူကြီးလီရှီရှင်း ကို ဦးဆောင်စေခဲ့ပြီး ဗန်းမော်ဈေးမြို့ကို ၀င်သိမ်းခဲ့တာပါ။ အင်အား ၂၅၀၀၀၀ နဲ့ပါ။ မြန်မာတို့ဟာ ဗန်းမော်ကိုလက်လွှတ်ခဲ့ပြီး ကောင်းတုံခံတပ်မှ ခုခံကာကွယ်ပါတယ်။ မြန်မာဘက်မှ ဗိုလ်မှူးမဟာစည်သူက ကုန်းကြောင်း ၊ ဗိုလ်မှူးနေမျိုးစည်သူက ဧရာဝတီကြောင်းချီတက်ကာ ညှပ်တိုက်သလို ဗလမင်းထင် ဦးစီးသော ကောင်းတုံခံတပ်ကလည်း ရွပ်ရွပ်ချွံချွံခုခံမှုကြောင့် တရုတ်များအခက်တွေ့ကာ အကျအဆုံးများသွားပြီး ဆုတ်ခွာသွားခဲ့ပြန်ပါတယ်။ ထိုပွဲနှင့် အတူ ဗလမင်းထင်လည်း နာမည်ကျော်ခဲ့ပါတယ်။  ရှုံးနိမ့်မှုကြောင့် မန်ချူဧကရာဇ်က ယူနန်ဘုရင်ခံ ယန်ယင်ချူ၊ စစ်သေနာပတိလီရှီရှင်း နှင့် ဗိုလ်ချုပ်များကို သေဒဏ်ပေးခဲ့ပါတယ်။

 တတိယစစ်
၁၇၆၇ ခုနှစ် ဒီဇင်ဘာ ၂၂ ရက်နေ့မှာတော့ အာရှအလယ်ပိုင်း စစ်ပွဲများ၌ အောင်ပွဲရခဲ့သူ မန်ချူးဧကရာဇ်သမက် စစ်သူကြီး မင်ယွီကိုယ်တိုင် သိန္နီသို့ ချီလာပြန်ပါတယ်။ အင်အားက ၃၀၀၀၀၀ ရှိပါတယ်။ သိန္နီကို သိမ်းပိုက်အပြီး သီပေါမှတစ်ဆင့် မန္တလေးမြောက်ဘက် ၁၀ မိုင်အကွာက ဘုတ်ရွာ နဲ့ သက်ကယ်ပြင် ရွာတွေအထိ ရောက်လာခဲ့ပါတယ်။ မြန်မာတို့ဘက်မှ စစ်သူကြီး မဟာစည်သူက ဆီးကြိုတိုက်ခိုက်ပြီး စစ်သူကြီးမဟာသီဟသူရ ခေါင်းဆောင်သောတပ်များက ဘော်ကြိုကြောင်းမှ မန်ချူးတို့၏ရိက္ခာတပ်များကို ဖြတ်တောက်ပစ်လိုက်သည်။ ထို့နောက် မဟာသီဟသူရနှင့် လက်ဝဲ၀န်းမှူး နေမျိုးစည်သူတို့က သီပေါစစ်ကြောင်းကို ချေမှုန်းရာ တရုတ်တပ်ပျက်သွားခဲ့ပြန်သည်။ ဒီတစ်ကြိမ်တွင်လည်း ကောင်းတုံကို တိုက်ခိုက်ခဲ့သေးရာ ဗလမင်းထင်၏ အကွပ်အကဲကောင်းခြင်းကြောင့် တရုတ်တို့မရခဲ့။ တတိယအကြိမ်စစ်ပွဲတွင် စစ်သူကြီးမင်ယွီသာမက် ကိုယ်ရံတပ်မှူး ချာလဖန် နှင့် ကွမ်ယင်ပေါင် တို့ပါ ကျဆုံးခဲ့ပါတယ်။

စတုတ္ထစစ်
မန်ချူးဧကရာဇ်ချင်းလုံသည် စစ်သူကြီးမင်ယွီကျဆုံးမှုကြောင့် အင်းဝကို သိမ်းပိုက်ရန် ၀ါရင့်စစ်သူကြီးဖူဟန် အား ဦးဆောင်စေကာ လက်ထောက်စစ်သေနာပတိချုပ်များဖြစ်ကြသော အကွီ နှင့် အလီကွန် ယူနန်ဘုရင်ခံချုပ် မင်တေး တို့ကို ဦးဆောင် တိုက်ခိုက်စေပါတယ်။ အင်အား ၅ သိန်း ၅ သောင်း ရှိပါတယ်။ ဗန်းမော်ကို ဦးစွာ သိမ်းပိုက်လိုက်ပြီး ရွှေညောင်ပင်တွင် ခံတပ်ကြီးဆောက်လိုက်ပါတယ်။ ကောင်းတုံခံတပ်ကို ကြည်းကြောင်း ရေကြောင်း ညှပ်၍ မီးကုန်ယမ်းကုန်တိုက်သော်လည်း မရ၊ ဗလမင်းထင်ဦးစီးသော မြန်မာစစ်သည်တော်များက ခံတပ်တွင်းမှသာမက အပြင်ထွက်၍ ပျောက်ကြားစနစ်ဖြင့်တိုက်ရာ မန်ချူးတပ်မကြီး အထိနာခဲ့သည့်အပြင် စစ်လည်းပမ်းသွားခဲ့ပါတယ်။ ထိုအချိန်မှာပင် အင်းဝနေပြည်တော်မှ စစ်သူကြီး မဟာသီဟသူရ၊ နေမျိုးစည်သူ ခေါင်းဆောင်သောတပ်များ ရောက်ရှိလာတဲ့အခါမှာတော့ ရွှေညောင်ပင်ခံတပ်ကို ပြန်လည်သိမ်းပိုက်လိုက်နိုင်ပြီး မန်ချူးတပ်တို့ကို ၀န်းရံပိတ်ဆို့လိုက်ပါတယ်။ အပြီးချေမှုန်းလိုက်လျှင်ရသော်လည်း စစ်ကြောင့်ဒုက္ခရောက်ခဲ့ကြသော နှစ်ဖက်ပြည်သူများကိုစာနာတာကြောင့် စစ်သူကြီးမဟာသီဟသူရဟာ မန်ချူးစစ်သူကြီး ဖူဟန်ထံစာ တစ်စောင်ပို့လိုက်ပါတယ်။ ထိုစာတွင်
"အဆွေတော်စစ်သူကြီး ငါ သင်တို့ကိုဝိုင်းထားသည်။ ယခုအနေတွင် ငါတို့နိုင်သည်။ သို့သော်တစ်ဘက်နှင့် တစ်ဘက် ထပ်ခါထပ်ခါ မပြီး ဆုံးနိုင်တာကြောင့် ပြည်သူများဒုက္ခရောက်ကြရသည်။ နှစ်ဘက်ပြည်သူအကျိုးရည်ကာ စစ်ပြေငြိမ်းရအောင်" ဟု ပါရှိသည်။

သို့ဖြင့် ၁၇၆၉ ဒီဇင်ဘာ ၁၃ ရက်နေ့တွင်
၁။ တရုတ်ပြည်အတွင်းခိုလှုံနေသည့် မြန်မာမင်းအား ပုန်စားသူများ လက်နက်စွန့်ရန်
၂။ တရုတ်တို့အနေနှင့် မြန်မာအချုပ်အခြာပိုင်နက်ကို လေးစားရန်
၃။ နှစ်ဘက်စစ်သုံ့ပန်းများ ပြန်လွှတ်ရန်
၎။ နှစ်ဘက်မင်းများ မဟာမိတ်အဖြစ် ချစ်ကြည်စွာအပြန်အလှန်ဆက်ဆံရန်
စသည့် စည်းကမ်းချက် ၄ ချက်ပါသော ကောင်းတုံစာချုပ်ကိုချုပ်ကာ စစ်ပြေငြိမ်းခဲ့ကြပါတယ်။

( ထိုသတင်းကိုကြားလျှင် ဆင်ဖြူရှင်မင်း အမျက်တော်ရှကာ ရရှိခဲ့သော လက်ဆောင် ပဏ္ဏာတို့ကို ဗိုလ်မှူး တပ်မှူးတို့၏ ဇနီးများအား ရွက်စေလျက် သုံးရက်တိုင်တိုင် နေလှန်းသည်ဟု ဆိုလေ သည်။ ထို့ကြောင့်လည်း မြန်မာ စစ်သည်တော်တို့သည် နေပြည်တော်သို့ မပြန်ကြဘဲ မဏိပူရ ကသည်းပြည်တွင် ပုန်ကန်ခြားနားသည်ကို သွားရောက်နှိမ်နင်း၍ လက်ဆောင်ပဏ္ဏာများ ဆောင်ကျဉ်းပြီးမှ ပြန်ခဲ့လေသည်)

ကုန်းဘောင်မင်းဆက်ရုပ်ပုံလွှာ-တင်နိုင်တိုး
နှစ်(၅၀) ကျော် ကိုယ်တွေ့များ - ဗိုလ်ထွန်းကြည်(မုံရွာ)
တရုတ်တွေဖျောက်ထားတဲ့ရာဇ၀င် - ကြယ်နီ

SKK
#AyeSay
www.ayesay.com.mm