ပနားမားနိုင်ငံက ပလပ်စတစ်ဘူးခွံရွာ

 ပနားမားနိုင်ငံမှာ ပလပ်စတစ်ဘူးခွံရွာလို့ အမည်ပေးထားတဲ့ ရွာတစ်ရွာရှိပါတယ်။ သစ်တောထဲမှာ တည်ရှိတဲ့ အဲဒီရွာက အိမ်အားလုံးကို ပလပ်စတစ်ဘူးခွံတွေနဲ့ပဲ တည်ဆောက်မှာဖြစ်ပြီး အိမ်တစ်လုံး တည်ဆောက်ဖို့ ပလပ်စတစ်ဘူးခွံ ၁၀၀၀၀ ကနေ ၂၅၀၀၀ ကြား လိုအပ်ပါတယ်။ စွန့်ပစ်ပလပ်စတစ် ပစ္စည်းတွေဟာ နှစ်ရာပေါင်းများစွာ ကြာတဲ့အထိ ပျက်စီးနိုင်ခြင်းမရှိလို့ သားရဲတိရစ္ဆာန်တွေ ထိခိုက်ရတာကို ကာကွယ်နိုင်ဖို့ ရည်ရွယ်ချက်နဲ့ ပလပ်စတစ်ဘူးခွံရွာ တည်ဆောက်တာဖြစ်ပါတယ်။

 ဂျက်စတင်နဲ့ ဂျက်လို့ အမည်ရသူနှစ်ဦး ဦးဆောင်တည်ဆောက်နေတဲ့ ပလပ်စတစ်ဘူးခွံရွာမှာ ဟင်းသီးဟင်းရွက်နဲ့ ဆေးဖက်ဝင်သစ်ပင် စိုက်ခင်းတွေ၊ ယောဂကျင့်စဉ်ကျင်ဖို့ အိမ်ငယ်တွေ၊ ခရီးဝေးလမ်းလျှောက်ဖို့ လမ်းကြောင်း၊ အသားကင်လုပ်စားဖို့ ပန်းခြံငယ်လေးတွေ၊ တွေ့ဆုံပွဲ လုပ်နိုင်တဲ့ နေရာတွေ ပါဝင်ပြီး ၈၃ ဧက ကျယ်ဝန်းပါတယ်။

 ပလပ်စတစ်ဘူးခွံရွာ တည်ဆောက်ဖို့ ပေါင် ၁၀၄၀၀၀ ကနေ ပေါင် ၂၀၈၀၀၀ ကြား ကုန်ကျပြီး အိမ်ခြေ ၉၀ ကနေ ၁၂၀ ကြား ရှိမယ်လို့ သိရပါတယ်။

ပျမ်းမျှအားဖြင့် လူတစ်ဦးဟာ သူ့ဘ၀တစ်သက်တာမှာ အသုံးမ၀င်တော့တဲ့ ဘူးခွံ ၁၅၀၀၀ ကို လွှင့်ပစ်လေ့ရှိပြီး အဲဒီဘူးခွံတွေကို ရှာဖွေစုဆောင်းနိုင်ဖို့ ပလပ်စတစ်ဘူးခွံ တည်ဆောက်ရေးအဖွဲ့က ကြိုးပမ်းနေပါတယ်။

Credit;
သုည (Yadanarbon Times)