ဗိုလ်ချုပ်လိုလူစား
"ပဲပြုတ်နဲ့ နံပြားပါလား ။ လာဟေ့ ထွန်းလင်း ၊ အတူတူ စားကြရအောင်ကွာ"
လို့ခေါ်တဲ့အတွက် ဗိုလ်ထွန်းလင်းလည်း ထမင်းစားခန်းထဲကို ၀င်ပြီး ဗိုလ်ချုပ်ဘေးမှာ ထိုင်ခဲ့ပါတယ်။ ဗိုလ်ချုပ်က ပဲပြုတ်နဲ့ နံပြားကို လက်နဲ့နယ်လိုက်တယ်။
"ဆီတွေ ရွှဲလို့ပါလား"
လို့ ဗိုလ်ချုပ်အောင်ဆန်းက ပြောလိုက်တော့ ဘေးနားမှာ ရပ်နေတဲ့ ဒေါ်ခင်ကြည်က-
"ဟုတ်တယ်၊ မနေ့က နတ်မောက်က အမျိုးတွေရောက်လာပြီး ဆီတစ်ပုံးပေးသွားတာနဲ့ ဆီရွှဲရွှဲလေးစားလို့ရအောင် ထည့်လိုက်တာ"
လို့ပြောလိုက်တယ် အဲဒီတော့ ဗိုလ်ချုပ်အောင်ဆန်းက-
"ဒါဖြင့်ရင် အဲဒီဆီပုံးဘယ်မှာလဲ" လို့မေးတော့ ဒေါ်ခင်ကြည်က
"နောက်ဖေး မီးဖိုချောင်ထဲမှာ" လို့ဖြေခဲ့တယ်။ ဗိုလ်ချုပ်အောင်ဆန်း ချက်ချင်းထသွားပြီး အဲဒီဆီပုံးကို နောက်ဖေးပေါက်ကနေ အိမ်အောက်ကို ခြေထောက်နဲ့ ကန်ချပစ်လိုက်တယ်။အဲဒီလို ကန်ပြီး ဗိုလ်ထွန်းလင်းအနားမှာ ပြန်ထိုင်တယ်။ ပြီးတော့ ဗိုလ်ထွန်းလင်းကို လေသံအေးအေးနဲ့ ဗိုလ်ချုပ်အောင်ဆန်းက ပြောခဲ့တယ်။
" စစ်ဘေးဒဏ်ကြောင့် ပြည်သူတစ်ရပ်လုံး စားဝတ်နေရေးကျပ်တည်းပြီး ဆင်းရဲဒုက္ခရောက်နေတဲ့ အချိန်မှာ ပဲပြုတ်ကို ဆီရွှဲရွှဲနဲ့ စားမှာပါ ငါ့ကိုငါလိပ်ပြာမလုံဘူး ထွန်းလင်းရာ" တဲ့။
ဗိုလ်ချုပ်သည် ထိုသို့သောလူစားပင်.....။
Ref; ဗိုလ်ချုပ်အောင်ဆန်း အထ္ထုပတ္တိ
#သုတဇုန်
Supported By @လှိုင်မင်းလတ်
Phone ; 09- 510 9922
No comments: